Thursday, August 2, 2007

खाण्यासाठी जन्म आपुला...


रविवारी सकाळी पेपरचा गठ्ठा आणि चहांची आवर्तनं झाली की मग भूकेसारखं होतं. घरी अर्थातच काही करायचं नसतं...रविवार म्हणून....मग गाडीची चाकं वळतात "शबरी'कडे.
तुकाराम पादुका चौकातच, झाडांच्या सावलीत शर्वरी-शबरी ही हॉटेल्स आहेत. इथं शनिवार रविवारी अमर्यादित नाश्‍ता मिळतो. आम्हाला ही जागा कळली ती नवऱ्याच्या मित्रामुळं. एकदा कुठे जमूया...म्हणत असताना त्यानं सांगितलं की अशी जागा आहे जी कळल्यावर थोडे दिवस मी कोणालाच तिथे इतका छान नाश्‍ता मिळतो हे सांगितलं नव्हतं...अनेक शनिवार-रविवार आम्ही तिथे चेपलं, आणि मग मित्र-मैत्रिणींना सांगायला सुरुवात केली...तिथे गेल्यावर पटलंच आम्हाला...
पदार्थांची चव अप्रतिम, शनिवार-रविवारी सकाळी 9 ते 11 वेळात शबरीत पोहे, खिचडी, इडली, डोसे, कटलेट, साबुदाणा वडे, मिसळ, पनीर रोल, उत्तप्पा, थालिपीठ, साजूक तुपातला, काजू घातलेला शिरा हे सारं मिळतं...शिवाय केलॉग्ज, ब्रेड टोस्टही...इतकंच नाही तर सेंटर ऑफ ऍट्रॅक्‍शन आहे फळं आणि मागणीनुसार फळांचा ताजा रस...अमर्यादित...फक्त 69 रुपयात. तिथं सर्वात मजा येते ती ताट भरून, घेऊन बसल्यावर पदार्थ बघितल्यावरच, त्या दर्शनानंच मन भरतं...सगळ्या पदार्थांची चव खरेच छान असते. तृप्तीचा अनुभव देणारी...
ताट जरा रिकामं होत आलं की तिथला व्यवस्थापक स्वतः थालिपीठ, कटलेट घेऊन येतो. गरमा गरम...आणि चक्क आग्रह करतो. टेस्ट तरी कराच वगैरे...पुण्यात कुठल्या हॉटेलात आग्रहानं काही वाढलं जातं ही कल्पनाच किती वेगळी (?) आणि किती छान वाटते म्हणून सांगू...
तिथे नाश्‍ता कम्‌ जेवण झालं की बाहेर पानवाल्याशी भेट चुकवण्यात अर्थ नाही...तिथलं पान तोंडात टाकून वळेपर्यंत संपतं, इतकं देखणं असतं... रविवारची सुरुवात झकास होते...आणि त्याच त्या ठिकाणाचा कंटाळा येत नाही...

6 comments:

Unknown said...

wah wah...khupach chhan raviwarchi surwat..shabari-sharvaree chi majach wegli...tuze abhar manawe titke kami...karan tumcha find kelela joint aslya mulech amhala dnyan zale..dhanyawad

shilpa said...

VERY NICE.ATA AMHALAHI CHHAN THIKAN KALAL NASHTYACH.THANKS FOR THAT. AMHIHI ATA TUMHALA SHABARIT KUTHALYA TARI RAVIVARI BHETUCH.
SHILPA

Unknown said...

Tumacha ha lekh khup chan ahe. Ravivachi ashi suruvar mastch aahe. Kay tumhi mala ya Shabari-Sharvaree cha deail address dyal. Please.
Mla pan vegavegle padartha khanyachi avad ahe.

Anonymous said...

Fantastic. Chalo shabri !! I am leaving within next 5 minues. Aajcha Ravivar karni lavto.

Aabhari aahe !!

Unknown said...

ekdam mast ya ravivari nakki janar aamchya gharache sagalech jan khavayye aahet tyanna nakkich aawadel abhari aahe
vishakha

Anonymous said...

whats this...!
publication is about eating somthing and photo is of drink..!

khanya sathi ki pinya sathi janma apula...?